Kesyon w ka poze

FAQ – Lanse W

1. Kisa Lanse W ye ?

Lanse W se yon platfòm fòmasyon sou entènèt ki ede jèn antreprenè ayisyen yo lanse nan biznis. Avèk konferans an dirèk, tòtoryèl videyo, resous PDF, ak kou endividyèl, Lanse W ba ou zouti pou kreye epi devlope biznis ou, menm si w ap kòmanse ak anyen.

2. Kiyès ki ka enskri nan fòmasyon an ?

Fòmasyon an ouvè pou tout moun ki vle vin antreprenè, kèlkeswa si ou gen eksperyans oswa ou pa. Ou jis bezwen yon telefòn oswa yon òdinatè epi yon volonte pou reyisi.

3. Kijan fòmasyon an fonksyone ?

Fòmasyon an gen plizyè sipò pou yon aprantisaj konplè :

• Konferans an dirèk : sesyon entèaktif ak fòmatè yo.
• Videyo Tòtoryèl : videyo pratik pou swiv lè ou vle.
• Kominote WhatsApp : yon gwoup diskisyon pou pataje ak lòt patisipan yo epi poze kesyon.
• Resous PDF ak lyen itil : dokiman pou ou pwofite chak modil pi byen.
• Koaching Endividyèl : sesyon pèsonalize pou konsèy espesyal selon bezwen ou yo.

4. Ki sijè fòmasyon an ap kouvri ?

Fòmasyon an gen sijè esansyèl pou reyisi nan biznis, tankou :

• Kijan pou idantifye yon ide pwojè ki kapab fè lajan.
• Baz pou lanse yon biznis sou entènèt.
• Estrateji pou fè pwomosyon biznis ou ak yon ti bidjè.
• Kijan pou itilize rezo sosyal ak lòt zouti sou entènèt pou rive jwenn kliyan ou yo.

5. Kijan pou mwen enskri ?

1. Klike sou bouton Enskripsyon nan paj dakèy la.
2. Ranpli fòmilè a ak enfòmasyon ou yo.
3. Peye frè a sou platfòm sekirize a pou gen aksè a fòmasyon konplè a.
4. Yon fwa ou enskri, ou ap resevwa yon lyen pou platfòm la ak yon envitasyon pou rantre nan gwoup WhatsApp la.

6. Kijan pou mwen jwenn aksè nan konferans an dirèk ak videyo tòtoryèl yo ?

Apre enskripsyon, ou ap resevwa yon lyen pou platfòm kote ou kapab jwenn aksè nan konferans an dirèk yo selon yon kalandriye ki deja fèt, ak videyo tòtoryèl yo, ou ka gade nenpòt lè.

7. Kijan pou mwen rantre nan gwoup WhatsApp la ?

Apre enskripsyon, nou ap voye yon lyen pa imèl pou w rantre nan gwoup WhatsApp Lanse W la. Gwoup sa a fèt pou fasilite echanj ant patisipan yo epi poze kesyon dirèkteman.

8. Èske m ap resevwa yon sètifika apre fòmasyon an ?

Wi, apre ou fin konplete tout modil yo ak evalyasyon yo, w ap resevwa yon sètifika patisipasyon ki montre konpetans antreprenarya ou genyen.

9. Konbyen fòmasyon an koute ?

Pri fòmasyon an disponib nan paj enskripsyon an. Nou ofri yon bon rapò kalite-pri epi plizyè opsyon peman pou fè fòmasyon an aksesib pou tout moun.

10. Èske gen sipò aprè fòmasyon an ?

Natirèlman! W ap kapab kontinye resevwa konsèy ak sipò gras ak gwoup WhatsApp la, epi nou ofri tou sesyon koaching lè ou bezwen.

11. Ki mwayen peman ki disponib ?

Nou aksepte peman atravè sèvis lokal tankou MonCash, NatCach, epi lòt opsyon sou entènèt pou rann aksè fasil, kèlkeswa kote w ye.

12. Mwen gen lòt kesyon. Kijan pou m kontakte nou ?

Pou nenpòt lòt kesyon, ou ka kontakte nou dirèkteman atravè fòm kontak sou sit la oswa Whatsapp. N ap kontan ede w!